एलपीजी गॅस सिलिंडरच्या किमतीत मोठी वाढ

पुणे 1/3/25

1 मार्च पहिला दिवस. मात्र, महिन्याच्या पहिल्याच दिवशी महागाईचा धक्का बसला आहे. आजपासून एलपीजी गॅस सिलिंडरच्या किमतीत मोठी वाढ करण्यात आली आहे. गॅस सिलिंडरचे नवीन दर जाहीर करण्यात आले आहेत. तेल कंपन्यांनी व्यावसायिक एलपीजी सिलिंडरच्या दरात प्रति सिलिंडर ६ रुपयांची वाढ केली आहे. या वाढीनंतर दिल्लीत १९ किलोच्या व्यावसायिक एलपीजी सिलिंडरसाठी आता १८०३ रुपये मोजावे लागणार आहेत. व्यावसायिक एलपीजी सिलिंडरच्या दरात वाढ करण्यात आल्यामुळे याचा फटका छोट्या-मोठ्या व्यावसायिकांना बसणार आहे.

दरम्यान, तेल विपणन कंपन्यांनी शनिवारी भारतातील सर्व शहरांमध्ये व्यावसायिक एलपीजी सिलिंडरच्या किमती वाढवण्याचा निर्णय घेतला आहे. दिल्लीत १९ किलोच्या व्यावसायिक सिलिंडरची किंमत आता १,७९७ रुपयांवरून १,८०३ रुपयांवर पोहोचली आहे, म्हणजे प्रति सिलेंडर ६ रुपयांची वाढ करण्यात आली आहे.