चिखली कुदळवाडी येथील दीड हजारांहून अधिक बेकायदा बांधकामांवर बुलडोझर; पिंपरी चिंचवड महापालिकेची धडक कारवाई

PCMC Demolition Drive : पिंपरी-चिंचवड महापालिकेनं बेकायदा बांधकामांवर मोठी कारवाई करत चिखली कुदळवाडी परिसरातील हजारांहून अधिक अनधिकृत बांधकामं भुईसपाट केली आहेत. नियोजित विकासकामे आणि नागरिकांच्या सुविधांसाठी आरक्षित असलेल्या जागांवरील अनधिकृत पत्राशेड, कारखाने, गोदामे, भंगार दुकानं तसंच, अनधिकृत बांधकामं हटविण्यासाठी ही कारवाई करण्यात येत असून यापुढंही ती सुरूच राहणार आहे.