केंद्राकडून सोयाबीन खरेदीला २४ दिवसांची मुदतवाढ, मात्र पणन विभागाकडून खरेदीस नकार, नेमका काय प्रकार?

आज विक्री केंद्राबाहेर वाहनांच्या रांगाच रांगा पणन विभागाने लावल्या आहेत. हे सोयाबीन आम्ही घेऊ शकत नाही, तसेच कमी आधारभावानेही सोयाबीन आम्ही घेऊ शकत नाही, असा संदेश पणन विभागाने आपल्या स्पष्टीकरणातून दिला आहे. केंद्र व राज्य सरकारचे हे वागणे विश्वासघातकी आहे. विधानसभा निवडणुकीच्या वेळी मोदी व अमित शहा महाराष्ट्रात आले व शेतकऱ्यांच्या सोयाबीनचा दाणा न दाणा आधारभावापेक्षा अधिक भावाने घेण्याचे आश्वासन दिले. ही मोदीची गॅरेंटी असल्याचे म्हटले गेले. मात्र आता शेतकऱ्यांचा विश्वासघात केल्याचा प्रकार आहे. सरकारने संपूर्ण यंत्रणा कामाला लावून हमीभावाने सोयाबीन खरेदीची मुदतवाढ द्यावी, अन्यथा शेतकरी रस्त्यावर उतरून आंदोलन करेल. शेतकऱ्यांच्या संयमाचा अंत पाहू नका, असा इशारा किसान सभेचे अजित नवले यांनी दिला आहे.